O alcalde de San Xoán de Río, José Miguel Pérez Blecua, desenvolveu unha campaña en Madrid, para este proxecto de proxección rural, impulsado desde este Concello da Montaña Ourensá.
O pasado luns e martes o Alcalde participou nunha serie de actos, na capital de España, para dar impulso á axenda Europea de San Xoan de Río.
O luns, convidado polo Think Thank Europeo CEUS, participou nun acto na Casa de Galicia de Madrid sobre as relacions transfronterizas e internacionais, organizado por Raia Diplomática. Neste acto con delegacions de embaixadas de 21 países de todos os continentes, o Alcalde avanzou no respaldo ao proxecto de Capitalidade Rural de vários territórios de Portugal, Extremadura, Italia ou Francia. A maiores de relacions con Haití, Corea do Sur, Indonesia, República Dominicana, Costa Rica e varios máis, que mostraron interés no proxecto.
Xa martes, o Alcalde xunto co Presidente de Ceus Luís Rubal e membros da consultora EastWest Capital Consulting, mantivo unha reunion de traballo na Delegación da Comisión em España, para encauzar o Proxecto Capital Rural Europea dentro dos marcos normativos da Unión.
“Hoxe avanzamos no recoñecemento da Europa Rural, da Europea colaborativa. Temos un proxecto de visualización do Rural e de posta en valor da identidade Europea, forxada na colaboración do pobos pequenos que impulsaron a Europa das cidades” dixo o Alcalde.
San Xoán de Río está a meses de ser a primeira Capital Rural Europea. O traballo conxunto dos veciños deste Concello, CEUS e EastWest suporá un avance na axenda Europea nos seguintes meses.
