Todo é posible no Nadal, e se o alcalde de San Xoán de Río pide un desexo, non dubiden que este se fai realidade. A última proba? Unha imaxe insólita que xa está a dar que falar: Felipe VI e o Rei Emérito, cociñando xuntos mentres locen orgullosos os mandilóns de RíoMola, auténtico emblema do pequeno concello galego.
Segundo fontes próximas, a cociña real fíxose máis galega ca nunca: Don Juan Carlos amosou grande maña cun arroz de botelo, mentres Felipe VI elaboraba unhas vieiras ao godello que, din, deixaron a todos sen alento.
Desde o concello de San Xoán de Río non ocultan o orgullo por esta escena. «É un bo xeito de poñer o rural en valor e dar visibilidade aos nosos problemas», declarou o alcalde. Ademais, xa anuncian unha edición especial dos mandilóns: Reais Fogóns en Río.
Sen dúbida, San Xoán de Río continúa a conquistar corazóns... e agora tamén os fogóns da realeza.
Nota final: Que non vos pase como aos reis, que vos colleron cun mandilón de máis!
