A terceira etapa da Volta Ciclista a Galicia percorreu este 16 de setembro as Terras de Trives e de Valdeorras. O delegado territorial da Xunta en Ourense, Gabriel Alén, asistiu esta á saída de etapa da vixésimo primeira estapa, na Pobra de Trives.
Afondar no labor desenvolvido pola Federación Galega de Ciclismo para a organización dunha nova edición desta competición das categorías elite e sub-23 consolidada no calendario nacional.
O esforzo de deportistas, clubs e federacións merece o máximo reforzo social e institucional. Neste eido, o Goberno galego ademais de impulsar o desenvolvemento dos distintos eventos deportivos, apoia esta modalidade deportiva a través de distintas liñas, de xeito que o investimento dos últimos anos supera os 4,2 millóns de euros.
O ciclista homenaxeado nesta edición, Gustavo César Veloso, un dos mellores ciclistas galegos súmase a nomes como Óscar Pereiro, Gonzalo Aguiar ou Álvaro Pino. Podemos presumir destes grandes referentes, así como de contar entre 2006 e 2010 co equipo Xacobeo Galicia na categoría profesional ou actualmente co Team Farto BTC “un dos mellores equipos profesionais femininos e dos nosos embaixadores no mundo do deporte”.
Subliñar a importancia do deporte na promoción turística de Galicia, e, no caso concreto da Volta ciclista a Galicia, para dar a coñecer as paisaxes e o patrimonio das localidades que percorre ao longo de máis de 400 quilómetros.
