jueves. 28.03.2024

O mesmo afecta a 4 personas dun mesmo núcleo familiar, Sanidade decidiu restrinxir as visitas e as saídas na residencia de maiores da localidade

A Consellería de Sanidade ven de informar dun novo gromo de Covid-19, que afecta a dous homes de 70 e 42 anos, unha muller de 33 anos de idade e un neno, todos eles residentes no Concello de A Pobra de Trives como se sinala dende o ente autonómico.

"Ata o momento son catro o número de afectados dun gromo localizado en A Pobra de Trives despois do diagnóstico dun gromo familiar e importado de Covid19" confirmaron dende a consellería.

Dende o primeiro momento o centro de detección de contactos activou o protocolo para o seguimento e estudo dos seus contactos máis estreitos coa identificación e posterior realización das probas diagnósticas correspondentes.

Neste momento os catro pacientes están en situación de illamento domiciliario controlados e monitorizados telemáticamente en todo momento e a seguimento polo persoal sanitario do seu centro de saúde.

A aparición deste gromo provocou que Sanidade, como medida preventiva, ordease desde hoxe a restrición total nas visitas e nas entradas e as saídas da Residencia da terceira idade de Pobra de Trives co obxectivo de preservar a saúde e seguridade dos residentes e dos traballadores do centro.

Ante a posibilidade de novos contaxios, a Consellería de Sanidade segue a traballar co obxectivo de limitar o risco de novas infeccións, tomando as medidas preventivas indicadas nos protocolos aplicables a esta situación.

Detectado un brote de Covid nun núcleo familiar de Trives