domingo. 19.05.2024
portada_somoscomarca_manzaneda-estacion_nieve_esqui
A Deputación amplía o programa EsquiOU 2024 cunha nova quenda de 105 prazas

 A Deputación de Ourense, en colaboración coa Estación de Montaña de Manzaneda, amplía o número de prazas dispoñibles no programa EsquiOU 2024 cunha nova quenda a desenvolver entre os días 11 e 13 de marzo para 105 nenas e nenos, atendendo así a altísima demanda de participación rexistrada nos concellos da provincia.  

Así, o programa deportivo de inverno ofertará un total de 840 prazas para menores nados entre o 1 de xaneiro de 2012 e o 31 de decembro de 2015. Serán oito quendas con 105 prazas cada unha e cun prezo de 29 euros.  

O obxectivo principal do programa é que os nenos e nenas da provincia aprendan a esquiar, pero tamén terán a oportunidade de realizar diferentes actividades lúdico-deportivas como tiro con arco, sendeirismo ou natación. 

A duración da estancia é de tres días e dúas noites, sempre de luns a mércores e inclúe aloxamento, pensión alimenticia, curso de esquí e demais actividades complementarias. O programa desenvolverase por quendas nas que se fai un reparto dos nenos por proximidade xeográfica para lograr grupos máis homoxéneos. 

A Deputación amplía o programa EsquiOU 2024 cunha nova quenda de 105 prazas