domingo. 26.06.2022

Rubiá celebra o día grande das festas da Ascensión coa misa presidida polo bispo

A imaxe da virxe procesionou da igrexa á capela onde os nenos que fixeron a  Primeira Comuñón recitáronlle uns versos e o bispo purificouna co incenso

Tres días hai no ano que relocen máis co sol, Xoves Santo, Corpus Cristi e A Ascensión. Hoxe tocou celebrar este último en Rubiá e realmente brillou o sol  e quentou, vaia se quentou!

O día grande das festa da Ascensión en Rubiá celebrouse cunha misa solemne presidida polo bispo de Astorga, Jesús Fernández quen estivo acompañado por outros catro sacerdotes. A homilía que congregou a un cento de persoas estivo cantada polo coro da parroquia. Tras a misa a imaxe da virxe foi portada en procesión dende a igrexa de Santa Mariña á capela da Virxe do Camiño

Misa e procesión da Ascensión en Rubiá 2022 (62)
Misa solemne presidida polo bispo de Astorga, Jesús Fernández

Os case que dous quilómetros que separa ás duas igrexas percorréronse nunha hora, entre cantos e loubanzas. Os veciños ían deixando pétalos de rosa ao longo do camiño e os rapaces lanzábanllos a imaxe da virxe. O son da charanga animou tamén o percorrido. O sol de xustiza que ao mediodía caía en Rubiá fixo suar a máis dun.

somoscomarca_rubia_procesion_ascension_niños_flores
Os nenos tiraron os pétalos de rosa á imaxe da virxe polas rúas de Rubiá

Ao remate, xa na capela da Virxe do Camiño, a imaxe foi purificada con incenso polo bispo quen agradeceu aos fieis a súa presenza e tamén aos nenos os versos recitados á virxe.

Tres días de festa

Mañá a festa comeza pouco antes da media noite coa actuación de Carta de Ajuste, música dos 80 e 90. O DJ Tariro será o encargado de «pinchar». O sábado a festa estará amenizada pola orquestra Arizona.

O domingo a misa será na honra de San Isidro, haberá procesión e bendición dos campos. E pola tarde a actuación estelar dos Satélites.

Misa e procesión da Ascensión en Rubiá 2022 (56)
Misa e procesión da Ascensión en Rubiá 2022 (56)

Rubiá celebra o día grande das festas da Ascensión coa misa presidida polo bispo