somoscomarca_20251130_rubia_mercad
Rubiá clausurou este domingo o seu Mercadiño de Nadal, que un ano máis marcou o inicio das festas no municipio cunha edición chea de ambiente, variedade e boa acollida. A xornada de apertura celebrouse o sábado 29 de novembro, ás 16.00 horas, cun total de 24 postos de produtores, artesáns, comercio local e entidades sociais, que encheron o espazo expositivo de cor e actividade.
Como vén sendo habitual, a variedade foi un dos principais reclamos: mel, licores, queixos, doces, cosmética natural, artesanía en madeira, cestería, decoración de Nadal, libros e produtos de establecementos locais como Librería Teresita ou Trastos. Tamén participou un ano máis a asociación Asfaval, achegando ao público o seu traballo.
A pesar do mal tempo do sábado, o fluxo de visitantes foi constante. “Ayer hubo un día muy malo, pero aún así hubo gente. Creo que los puestos marchan contentos”, explicaba este domingo a concelleira de Cultura, Laura Iglesias, en declaracións a este medio. Xa na tarde de hoxe, o peche do mercado desenvolveuse cunha grande afluencia: “Hoy por la tarde hubo bastante gente. Como todos los años, creo que nos salió bien”.
O reto para 2025: ampliar espazos
Iglesias tamén recoñeceu que a organización terá que revisar a capacidade do recinto:
“Quedaron 8 puestos fuera y parece injusto; hay que darle una vuelta y ampliar la carpa. Ya estamos pensando en ello”, avanzou.
O Concello mantivo tamén unha tradición moi valorada polos participantes: un pequeno agasallo para cada posto. “Somos casi los únicos que lo hacemos. Mucha gente viene de fuera y es una forma de agradecer su esfuerzo”, explicou. Ademais, realizouse o habitual sorteo de tres cestas elaboradas cos produtos doados polos expositores, un dos momentos máis esperados polos asistentes.
Rubiá enfila agora a gran cita: a Festa da Matanza, o 7 de decembro
Co Mercadiño xa clausurado, o Concello centra agora os esforzos na Festa da Matanza, que se celebrará o domingo 7 de decembro e que este ano superou todas as expectativas.
“Vendemos más entradas de las que pensábamos… van 450 ya, e entre hoxe e mañá son os últimos días para mercar”, confirmou Iglesias, lembrando que é necesario pechar o número exacto para organizar a comida: “Hay que hacer los cálculos de toda comida, porque hay que poner un asador”.
A comida será no pavillón ás 14.00 horas, co tradicional menú das antigas matanzas, incluíndo pratos típicos como a fanza. A festa prolongarase toda a tarde:
-
Ás 19.00 horas, actuación do grupo da comarca Tentempié, na mesma carpa do mercadiño.
-
Ao rematar, DJ ata as 2 da mañá para continuar a festa.
A concelleira subliñou a excelente resposta do público:
“El año pasado fueron 259 entradas; este año casi duplicamos. Estamos contentísimos con la acogida de una fiesta que nunca se había hecho por aquí deste xeito”.
