Un incendio destruíu por completo dúas casas en Cambela, no concello ourensá do Bolo. O lume, segundo o veciño que alertou ás 5:30 horas ó 112, propagouse polo interior da vivenda e o teito caeu. Polas baixas temperaturas da hora de inicio, ningunha das vivendas dos arredores correu perigo.
[df-caption title="Bombeiro sofocando as lapas" url="http://somoscomarca.es/wp-content/uploads/2016/12/somoscomarca_cambela_incendio_vivienda_diciembre_2016-7.jpg"]
Non hai que lamentar danos persoais xa que as dúas casas estaban deshabitadas. Unha desde o falecemento do seu propietario hai catro anos e a outra por vivir fora os dous irmáns, un en Madrid e a outra na Rúa.
[df-caption title="Outra das imaxes dos bombeiros " url="http://somoscomarca.es/wp-content/uploads/2016/12/somoscomarca_cambela_incendio_vivienda_diciembre_2016-5.jpg"]
Das casas incendiadas tal como se vei nas imaxes so quedaron as paredes. O lume propagouse polo interior da vivenda, quedando calcinado todo interior do inmoble. Descoñécese como se orixinou o incendio, entre as causas máis probables barállase a posibilidade dun curtocircuíto.
[df-caption title="As casas de Cambela totalmente calcinadas" url="http://somoscomarca.es/wp-content/uploads/2016/12/somoscomarca_cambela_incendio_vivienda_diciembre_2016-4.jpg"]
Ata o lugar do incendio desprazáronse os bombeiros do Parque de Valdeorras, os GES de Valdeorras, (Grupo de Emerxencia Supramunicipal) e una patrulla da Garda Civil.
[df-caption title="" url="http://somoscomarca.es/wp-content/uploads/2016/12/somoscomarca_cambela_incendio_vivienda_diciembre_2016-2.jpg"]
No momento de escribir esta información o lume estaba controlado, aínda que para extinguilo de todo, farán falta unas cantas horas xa que hai que esperar a que os rescaldos se consuman e despois desescombrar.
