martes. 04.10.2022

Os viños de A Tapada e Melillas e Fillos gañadores da Cata dos Viños de Valdeorras

Presentáronse a concurso un total de 42 referencias distintas das 20 adegas participantes 

O Guitián Godello Lías de Bodega A Tapada conqueriu o primeiro premio en blancos e Lagar do Cigur Mencía de Adega Melillas e Fillos en tintos, na XXIII Cata Oficial da Feira dos Viños de Valdeorras.

O Complexo Hostaleiro Paladium, emprazado en Vilamartín de Valdeorras, acolleu na noite do 8 de xullo, o acto de entrega de Premios da XXIII Cata Oficial da Feira dos Viños de Valdeorras, no que participaron as 20 adegas que este ano promocionan os seus brancos e tintos nos distintos stands que mañá e pasado se despregarán na barquense praza de Viloira. O acto estivo presidido polo conselleiro do Medio Rural, José González.

galaentregadepremios_catadeviño_feiradoviño (25)
Ganadores de XXIII Cata Oficial da Feira dos Viños de Valdeorras.

No decurso da súa intervención, o presidente do Consello Regulador da D.O. Valdeorras, José Luis García Pando, sinalou que todas as adegas con referencias no certame deben considerarse gañadoras. «Sacar adiante unha añada debe ser visto xa como un éxito, un éxito que é —como todo o que ten que ver co ciclo da vide— na súa meirande parte colectivo».

galaentregadepremios_cataoficial_feiradoviño (1)
Jose e Elisa enólogos de Santa Marta e Pinguela respectivamente

As outras adegas e referencias que obtiveron premio foron:  Joaquín Rebolledo Godello de Bodega Joaquín Rebolledo, 2º premio e Lagar do Cigur Godello de Adega Melillas e Fillos, terceiro. Isto en canto a brancos.

No referente a tintos, Viñaredo Mencía de Bodega Santa Marta, acadou o segundo premio e Joaquín Rebolledo Mencía de Bodega Joaquín Rebolledo, o terceiro.

galaentregadepremios_catadeviño_feiradoviño (6)
Divina e Rogelio de Roandi con Enrique Álvarez, alcalde de Vilamartín

As mencións especiais, viños doutras añadas, foron Joaquín Rebolledo Tinto Barrica de Bodega Joaquín Rebolledo, en primeiro lugar, e Escada Garnacha, de Adega Alán, en segundo lugar.

Os viños de A Tapada e Melillas e Fillos gañadores da Cata dos Viños de Valdeorras