domingo. 07.08.2022

Inaugúrase unha exposición dos artistas máis destacados do século XX español no Barco

A mostra, de entrada libre e gratuíta, poderase contemplar na Sala ABANCA do Barco de Valdeorras ata o 7 de maio de luns a venres de 18.00 a 20.30 horas e sábados de 11.00 a 13.30 horas

somoscomarca_obarco_arte_abanca_07_04_2022
Inaugúrase unha exposición dos artistas máis destacados do século XX español no Barco

Na mañá deste xoves 7 de abril, a fundación de ABANCA e o Concello do Barco inauguraban a mostra «Múltiple. A arte  do gravado de Picasso a Barceló» na sala da entidade bancaria, pechada desde fai dous anos pola pandemia.

No acto estiveron Margarida Pizcueta, concelleira de Cultura do Barco de Valdeorras; Mateo Alonso, coordinador institucional de ABANCA en Ourense; e a coordinadora institucional de Afundación en Ourense e Lugo, Beatriz Fernández- Anguiano. Pero, sen dúbida, os protagonistas foron os alumnos do CEIP Condesa de Fenosa que gozaron dunha actividade guiada da man de Carmen que lles explicou as obras expostas na sala. 

somoscomarca_condesadefenosa_alumnos_exposición_obarco_07_04_2022
Alumnos do Condesa de Fenosa

A través dos artistas  máis destacados do século  XX español, esta exposición pretende dar a  coñecer  as técnicas tradicionais  do gravado calcográfico e  as  súas variantes, en especial a  xilografía, a litografía e a serigrafía. En ocasións, a delimitación entre unha técnica e outra non é tan nítida xa que vos artistas actuais son quen de mesturar  as distintas técnicas e  mesmo inventárense outras novas. 

Esta exposición enmárcase na iniciativa «Cultura por alimentos» que Afundación leva a cabo en colaboración con FESBAL —Federación Española de Banco de Alimentos— e que pretende  achegar alimentos de primeira  necesidade  aos bancos de alimentos  locais. A  entidade convida aos visitantes a colaborar con esta iniciativa a través dá  doazón de alimentos non perecedoiros  ao visitar a mostra.

Esta exposición é froito dá colaboración enmarcada no proxecto «Corrente cultural», que considera a arte como un instrumento imprescindible para fomentar o coñecemento e o desenvolvemento colectivo.

Inaugúrase unha exposición dos artistas máis destacados do século XX español no Barco