O I Concurso de Escaparates do Centro Comercial Aberto do Barco xa ten gañadores. O xurado, composto por membros do Concello do Barco, seleccionou tres establecementos como os mellores decorados desta primeira edición: Cousanosa, Bambán dos Sorrisos e D’Chus.
Cada un deles recibirá un premio que inclúe un vale de compra e unha cea, como recoñecemento á súa creatividade e esforzo na ambientación dos seus escaparates.
Este concurso, impulsado polo Centro Comercial Aberto (CCA) do Barco, naceu dentro da campaña de Nadal 2024 co obxectivo de dinamizar o comercio local e engalanar as rúas do municipio, fomentando unha maior atracción para veciños e visitantes.
