Os días 6 de cada
mes, Viloira celebra a súa feira. Este
mes de febreiro toca facer control a xente que coloca os postos no lugar, por
iso a primeira hora da maña a Policía Local do Barco achegouse ate a rúa Elena
Quiroga para realizalo.
Faise unha revisión ás documentacións e compróbase que todo está en orde, si non é así, o feirante non entra ao mercado. Tamén se mira que cada autorizado a poñer o posto teña as taxas ao día, é dicir, si están pagadas, aqueles que as teñen pendentes non poderá poñer o seu posto o que non e raro que suceda o que provoca o conseguinte enfado.
Os axentes da
Policía Local tamén constatan que os espazos libres non sexan ocupados por fillos,
curmáns ou calquera outro familiar dalgún feirante que percatándose de que o
sitio está libre facilitan esta información e ate fan que se coloquen alí.
Pasados estes momentos tensos, de primeira hora da mañá, os feirantes mostran a súa mellor cara para atraer aos postos á clientela e chamar a súa atención sobre as mercadorías. É un mes no que, incluso no mercado, hai rebaixas en todo o referente ó téxtil e calzado.
Os que se acheguen nesta mañá de 6 de febreiro a Viloira ademais de poder xantar o pulpo poderán mercar árbores de todo tipo —estamos no tempo de plantar—, verduras e froitas, bacallau, cousas para casa e un montón de enseres que, o mellor é comprobalo.
