CIG-Saúde amosa a súa preocupación pola situación do Hospital de Valdeorras debido ao «deterioro constante indo camiño da irrelevancia asistencial».
Dende este sindicato sinalan que: «Temos coñecemento de que esta fin de semana o hospital de Valdeorras non conta con servizo de traumatoloxía, xa non parece pois imprescindible ter un especialista de garda neste distrito, agora xa deberemos aceptar o asumir que só poderemos aspirar a enviar directamente o paciente a Ourense».
Consideran inasumible a situación que segundo eles se está a producir e chaman á poboación do distrito a «secundar as concentracións convocadas tódolos mércores ás 12 horas diante do hospital de Valdeorras e sobre todo o apoio á manifestación na defensa e recuperación dos servizos e recursos sanitarios perdidos no noso distrito. Manifestación que será convocada e realizada no que queda do presente ano».
Tamén instan á xerencia de área á inmediata cobertura da garda de traumatoloxía no distrito sanitario de Valdeorras.
