O salón de actos do Concello de O Barco de Valdeorras será o escenario dunha charla sobre alimentación saudable, que terá lugar o xoves 2 de outubro ás 16:30 horas.
A sesión estará impartida por Olga Vecín, nutricionista do Centro de Saúde de O Barco, e pretende ofrecer pautas prácticas para mellorar os hábitos alimentarios da poboación, incidindo na importancia da nutrición como factor clave na prevención de enfermidades e na mellora da calidade de vida.
A iniciativa enmárcase no labor de sensibilización da Asociación Española contra o Cancro (AECC) en Ourense, en colaboración co Concello de O Barco e o Servizo Galego de Saúde.
A charla será de carácter presencial e contará cun espazo de participación para que os asistentes poidan resolver dúbidas e recibir orientación adaptada ás súas necesidades. As persoas interesadas poden inscribirse a través do teléfono 692 113 551, no correo electrónico patricia.gonzalez@contraelcancer.es ou directamente no Centro de Saúde de O Barco.
Para máis información, a AECC pon á disposición o seu servizo de atención gratuíta, dispoñible as 24 horas, no teléfono 900 100 036 ou a través da web contraelcancer.es.
