en apenas 20 minutos fixeron que os servicios de emerxencia tiveran que actuar
en distintos puntos da vila.
As rúas afectadas foron as da entrada ao Barco: avenida do Bierzo y Eulogio Fernández. Tamén rexistraron incidencias a rúa Carrúa, Rampa e Santiago Melo Pisón. Os accesos ao Barco asolágaronse, como ven sendo habitual cando caen estas treboadas. O paso por debaixo da vía, na Proba, encheuse de auga e lodo que enseguida quedou limpo.
O servizo de emerxencias de Galicia 112 rexistrou case unha ducia de chamadas, desde onde se alertou a GES, bombeiros do parque da Rúa, Protección Civil, Policía Local e Garda Civil.
Foi a primeira tormenta da tempada e sempre é a peor segundo nos informan desde os servizos de emerxencia e o propio concello, xa que os sumidoiros veñen de estar parados pola seca e neles acumúlanse follas e lixo, e non son capaces de recoller tal tromba de auga.
En torno as 20:30 horas chegou ao Barco esta tormenta que empezou na veciña provincia de León, entrou de cheo en Valdeorras e seguiu cara Monforte, chegando incluso a Lugo, segundo informan desde MeteoGalicia.
Entre as 21:20 e as 21:30 horas rexistráronse na estación das Petarelas 9 litros por metro cadrado e na de Ladeira 14. Se ben non son datos moi significativos cabe informar que o núcleo da tormenta e a maior descarga estivo entre estes dous puntos e a auga caeu en un intervalo de escasos 15 minutos.
O principal, segundo a axencia meteorolóxica galega e que: «Temos os ingredientes perfectos para que se formen este tipo de fenómenos». Os 34º alcanzados onte, unido á entrada dunha borrasca de aire frío en altura, fai que se formen este cúmulo-nimbos que ao descargar en puntos moi localizados deixan estes trebóns de auga. «Son difíciles de predicir», aseguran desde a axencia. Para hoxe non se descartan fenómenos similares. «Precaución durante o día de hoxe que se poden volver a producir estas tormentas», subliñan os meteorólogos.