jueves 2/12/21

Oportunidade de emprego e novos cultivos en Larouco

Unha charla nas antigas escolas de Larouco afondará nas novas oportunidades de negocio, axudas e información sobre os cultivos e a súa rendibilidade. O acceso a postos de traballo descoñecidos será outro dos temas a tratar
Oportunidade de emprego e novos cultivos en Larouco

O vindeiro venres, 12 de novembro nas antigas escolas de Larouco celebrarase unha xornada de oportunidade e novos cultivos que pretenden achegar información sobre como acceder a postos de traballo innovadores e descoñecidos, axudas e coma non, sobre emprego sostible.

«O reto demográfico e un problema moi grave intrínseco na sociedade ourensana, a este problema temos que engadir a exclusión laboral que sofren moitas mulleres polo simple feito de selo nun entorno rural», aseguran desde a organización.

Estas xornadas pretenden afondar na idea dun posicionamento persoal, laboral e social ás mulleres e homes para que podan acceder a postos de traballo descoñecidos para eles cunha base forte e estable para que podan facer raíces no entorno e vivir del.

Desde a Asociación Galega de Mulleres Rurais —AGAMUR—, organizadora da xornada indican: «Exporemos nestas xornadas, as diferentes oportunidades de traballo e negocio que existen, así mesmo darase información acerca das axudas e existentes».

Outro punto da xornada, e a información acerca de novos cultivos e das súas características e rendibilidade, e tamén dar a coñecer as opcións que ofrece AGAMUR para por en marcha este proxecto no que se fará un analisis inicial, unha formación especifica e unha axuda continua en todo o proceso de posta en marcha dun proxecto ou inclusión laboral dos participantes.

O proxecto está cofinanciado pola Deputación de Ourense,  coa colaboración do Concello de Larouco.

Oportunidade de emprego e novos cultivos en Larouco