Propostas culturais e música nas rúas para celebrar a festividade da Virxe dos Remedios
As festas da Virxe dos Remedios en Larouco celebraranse dun xeito especial e gardando todas as medidas de seguridade. O día grande será o vindeiro martes 8 de setembro pero esta fin de semana a música xa se deixou ouvir polas rúas deste municipio valdeorrés.
A charanga feminina Brassica Rapa percorreu este sábado as rúas deténdose ás portas dos bares para amenizar unha festa que, este ano substitúe as orquestras por propostas culturais. A charla dada por José Fernández oriúndo de Larouco quen amosou o lugar de Castrillón, un castro onde Bibei e Xares se unen e a vez dividen tres concellos: O Bolo, Manzaneda e Larouco, foi unha destas propostas.
Mañá Os Bregadiers serán os encargados de facer soar os seus instrumentos para amenizar estás festas pouco común. O Luns a música correrá a cargo dos Bertolini. Ese mesmo día Compañía Catropés porá representará pola tarde na praza do Concello a obra Animacreques.
O Día grande celébrase o martes 8 de setembro coincidindo ca patroa do Concello a Virxe dos Remedios. Animará o día a charanga Nova Terras de Trives.
Unhas festas distintas para tempos nos que a covid non permite xuntanzas con gran número de persoas, nin grandes celebracións.
Imaxes cedidas