jueves. 28.03.2024
somoscomarca_aveiga_prada_embalse_2021 (1)
A lo menos sete localidades da Veiga mellorarán os seus servizos públicos coas axudas da Deputación

O presidente da Deputación de Ourense, Manuel Baltar, mantivo un encontro de traballo no Pazo Provincial co alcalde da Veiga, Juan Anta, para abordar novas iniciativas de colaboración entre ambas administracións deseñadas co obxectivo de seguir mellorando os servizos públicos para os veciños da Veiga.

«Chegamos a un consenso para facer cousas», sinala o alcalde da Veiga Juan Anta. Segundo indicou a Somos Comarca, «trátase de obras de saneamento, abastecemento e humanización a curto prazo, para realizar en seis ou sete pobos nos que se vai inverter porque é necesario».

Apunta o rexedor da Veiga que se está a proxectar a construción de pozos de barrena pois a seca do pasado verán exixe a mellora no servicio de auga nalgún núcleo urbano. As iniciativas de dinamización e dar prioridade aos gandeiros en cuanto a pastos se refire foron outro dos temas abordados no encontro.

Juan Anta e Manuel Baltar
Juan Anta e Manuel Baltar durante o encontro no Paco Paz

Manuel Baltar apuntaba que foi «unha reunión moi satisfactoria, definitoria do que é a cooperación diaria entre a Deputación e os concellos ourensáns, que saben que teñen nesta administración o seu mellor aliado para os seus proxectos”» segundo valorou o presidente do goberno provincial, que garantiu o respaldo da Deputación á cooperación en iniciativas de saneamento, abastecemento e humanización.

Baltar e Anta coincidiron en perfilar futuros convenios xunto á Xunta de Galicia para, entre as tres administracións —local, provincial e autonómica—, levar a cabo novas obras no concello que «permitan avanzar no noso proxecto común: unha Veiga dinámica e con moito futuro, e cada día con máis capacidade para fixar poboación», segundo detallou o alcalde, que tamén aludiu a necesidade de seguir reforzando a colaboración cos gandeiros do municipio e en iniciativas de dinamización.

«Todos estes proxectos son fundamentais para A Veiga» remarcou Manuel Baltar, que destaca a «magnífica labor cotiá de Juan Anta e de todo o equipo municipal, con probada capacidade para desenrolar as potencialidades da Veiga a través de propostas ben planificadas e que sempre contarán co máximo compromiso deste goberno provincial».

Pola súa banda, o alcalde destacou a importancia do «apoio da Deputación e do seu presidente» a proxectos que son «claves para os nosos veciños, en ámbitos tan estratéxicos como é o abastecemento e o saneamento, ademais da colaboración co sector primario».

A lo menos sete localidades da Veiga mellorarán os seus servizos públicos coas axudas...