Un incendio declarado nunha finca privada no lugar de Vilela, na zona do Pacio, no municipio da A Rúa calcinou arredor de 400 metros cadrados de superficie, segundo as primeiras estimacións. As causas do suceso descoñécense polo momento.
Foi un particular quen deu a voz de alarma aos servizos de emerxencia, aínda que á súa chegada o lume xa estaba practicamente extinguido grazas á rápida intervención dos veciños da zona.
As primeiras hipóteses apuntan a que o incendio puido iniciarse nunha zona de silvas, aínda que non hai confirmación oficial.
Ante a posibilidade inicial de que se tratase dun incendio forestal, mobilizáronse os Bombeiros do Parque Comarcal, así como unha motobomba do Medio Rural e efectivos de Protección Civil da Rúa. Finalmente, a actuación centrouse en asegurar a zona e evitar que o lume se reavivase.
Fotos cedidas
