Onte xoves, 10 de febreiro, o alumnado de sexto de Primaria do CEIP Plurilingüe Condesa de Fenosa comezaban coa elaboración dun mural en formato tríptico no patio do centro, en honra a Florencio Delgado Gurriarán. A actividade está dirixida polo artista, Gerardo Rodríguez, e a profesora en Belas Artes, Susana Ferrada.
A primeira parte do mural leva como título “ Florencio” e conta co retrato do poeta, mentres que a segunda titúlase “Delgado” e representa a paisaxe de Valdeorras que recolle nos seus textos o escritor. No terceiro panel, “ Gurriarán”, cada aula poñerá un verso do libro que máis lle guste, 18 frases en total. Cada título está elaborado con pequenos anacos de azulexo.
Este venres, 11 de febreiro, eran os máis pequenos do colexio o que se encargaban de pintar a parte inferior dos murais. O vindeiro luns, 14 de febreiro, serán os alumnos de Primaria os que se encarguen de terminar o tríptico pintando a parte superior de cada un deles.
Modesto, o profesor encargado da actividade, destacaba que a homenaxe a Florencio Delgado Gurriarán polo Día das Letras Galegas 2022 «é un arranque para lembralo e non se pode quedar esquecido. É un autor noso e o mural é un pouco de recordatorio para os próximos anos».
