Melisa Macía: «Esperamos ser merecedores da responsabilidade que o pobo depositou en nos, facendo coa nosa gobernabilidade un Vilariño de mellores servizos, mellor calidade de vida e un lugar mellor para vivir»
Melisa Macía comezou o seu discurso como o facía hai dous anos, cando substituíu no cargo a Ventura Sierra, cunha frase de Victor Hugo. «Daquela agradecía a oportunidade que se me ofrecía para facer de Vilariño un sitio mellor onde vivir», subliñou a xa investida alcaldesa. Adicación, responsabilidade e compromiso era a promesa que daquela lles fixera aos veciños e ca mesma ilusión segue, aínda que agora como ela mesma destacou co apoio das furnas. Hai que salientar que Melisa accedeu a primeira concelleira despois que Ventura Sierra tivera que deixar o cargo por unha sentenza xudicial co inhabilitaba.
Agradeceu aos veciños os seus votos e declarouse «honrada e orgullosa» de ser merecedora da confianza que lles depositaron e estendeu ese sentimento a todo o seu grupo. Sinalou que traballaran a arreo durante os vindeiros catro anos «con vocación de servizo público e nunca con partidismos». «Estamos para unir e non para destruír», afirmou en referencia a agresión a unha traballadora do concello. Quere que se acabe, dunha vez por todas a crispación e o malestar entre a veciñanza que foi a maiores durante a campaña. Pediu que non haxa diferenzas e que reine a harmonía e a boa veciñanza e que cada quen leve a vida que queira sempre que respecte aos demais.
Agradeceu aos seus compañeiros da anterior lexislatura o seu traballo e desexou os novos sorte para os catro anos que quedan por diante. «Esperamos ser merecedores da confianza que o pobo depositou en nos». Finalizou o discurso agradecendo a presenza dos asistentes.
Tras a nova
alcaldesa tomou a palabra María Esther Alonso García, da Agrupación
Independente de Vilariño de Conso —AIVIC— quen agradeceu a laboura de cada un
dos candidatos con estas palabras: «Fuisteis valientes, honrados, sois
buena gente y ha sido para mí un placer compartir con vosotros todos esos
momentos hasta la fecha. Y sé que Dora, Carlos y yo misma, contamos con vuestro
respaldo y eso nos da fuerza para emprender nuestra tarea como concejales en la
oposición sin dilaciones. Sabemos que somos uno, pero los suficientes para cumplir
con nuestras obligaciones».
Vídeo do discurso de Melisa Macía: