sábado. 02.07.2022
VÍDEO

San Roque voltou á súa capela

O domingo despois da festividade de san Roque, a parroquia de Santo Estevo na Rúa, celebra a onomástica do santo cunha misa na súa honra y procesión ao remate.

 

 

Y é que, o santo do can que non ten rabo —como di a canción—lévase desde a capela ata igrexa de Santo Estevo, días antes, para o domingo voltar a imaxe ao seu lugar, onde permanecerá todo o ano.

 

 

Xa na capela os devotos tócanlle ao santo e piden o seu favor prendendo unha vela que queda alumeando na capela. A rosca que porta repártese entre as persoas que o solicitan ata que os cachos acábanse.

 

 

Na misa cantada polo coro parroquial contouse a vida e milagres deste santo que loitou polos pobres e curou a moita xente da peste.

 

Na procesión ademais de ir acompañado polos parroquianos ía coa compaña da música da banda Agrupación Musical da Limia. A citada banda fixo a sesión vermú diante da capela do santo e un concerto na praza César Conti as 19:00 horas.

 

 

No senso máis lúdico e festivo, pola tarde e á noite —festa e verbena— coa orquestra Jerusalén, que de seguro fará bailar e entoar a música do seu repertorio.

 

 

Mañá misa na capela do santo as 11:00 horas , sesión vermú coa charanga Nova Terras de Trives y baile e verbena con «El Combo Dominicano», considerada unha das cinco mellores orquestras de Galicia.

 

Comentarios
San Roque voltou á súa capela