domingo 29/5/22
O Bolo

A Festa da Vitela reuniu a 750 comensais no Bolo

O Concello do Bolo celebrou a décimo primeira “Festa da Vitela”, o Sábado Santo con 750 comensais que estiveron atendidos por unha trintena de camareiros e para os que se coceron 260 quilos de carne de tenreira.

No banquete a base de carne que tivo lugar no pavillón, serviuse, aparte da rica vitela, unha contundente sopa de fideos feita co mollo da carne de tenreira cocida, ademais de lacón, androlla, chourizos, garavanzos e patacas. De sobremesa bica. Hai que sinalar, como nos apuntaba Manuel Corzo, alcalde da localidade que, “todos os produtos que se poñen na mesa na Festa da Vitela son do Bolo”, incluído o pan, e licores que tomaron despois do xantar.

 

 

Ademais dos veciños do concello e visitantes de diversos puntos da xeografía galega e incluso nacional, a esta décima edición da Festa da Vitela asistiron o senador Avelino García Ferradal, , membros da corporación, así como representantes doutros concellos coma María del Carmen González, alcaldesa de Sobradelo e Juan Anta, alcalde da Veiga e deputado provincial, que compartiron a mesa presidencial co alcalde, Manuel Corzo.

 

 

A comida e baile posterior estivo amenizada pola charanga Nova Terras de Trives.

Guillermo García do Restaurante Fernando III de O Barco, encargado  de organizar e prepara o xantar desde fai once anos que comezou esta festa gastronómica, daba a este medio todos os datos relativos os produtos empregados e tiña un recordo para os concelleiros finados do Bolo.

 

 

Comentarios
A Festa da Vitela reuniu a 750 comensais no Bolo