viernes. 29.03.2024
O Barco

O Barco celebrou o Día da Muller por partida triple

Aos actos organizados pola mañá sumáronse a ofrenda floral na praza Clara Campoamor e os cánticos reivindicativos na do Concello

A Asociación Feminista de Valdeorras organizou unha ofrenda floral na praza Clara Campoamor do Barco, con motivo da celebración do Día da Muller.

Ofrenda florar na praza Clara Campoamor

Mentres pola mañá eran as alumnas dos institutos Martaguisela e Lauro Olmo e do colexio Divina Pastora, quen se facían ouvir; pola tarde foron as integrantes da asociación Feminista as que fixeron as reivindicacións.

Rapazas que participaron nos actos da mañá

As 19:30 horas, multitude de persoas de todos os puntos da comarca xuntábanse na praza barquense para homenaxear a principal impulsora do sufraxio feminino en España, na praza que leva o seu nome, Clara Campoamor..

Asociación Feminista de Valdeorras cantando despois da ofrenda

As organizadoras foron contando pasaxes da historia de esta humanista tan importante na revolución feminista. Logo instaron aos presentes a deixar as súas flores na columna de pedra onde se atopa o nome da praza. Camelias, mimosas, caraveis e frases para unha conmemoración moi especial.

Os cantos e berros reivindicativos deron paso a mais información sobre os lugares e rúas da comarca no que aparece o nome dunha muller. Así no Concello de Vilamartín das 49 rúas 7 teñen nome de muller e delas 4 delas son descoñecidas. No Barco das 135 tan só 7 levan nome dunha femia. En Viloira de 19, 2 teñen nome de muller. «Polo tanto é o momento de reivindicar que se poñan máis nome de mulleres», dixo unha das organizadoras.

Unha das mulleres que fixo a súa reivindicación en nome do colectivo

Por último leron as mensaxes dos seus mandís: «Non podo ser a muller da túa vida porque xa son da miña» ou «Non estamos tolas, sabemos o que queremos». Unha vez finalizados os actos nesta praza, os asistentes dirixíronse até a do Concello onde seguiu a festa, as reivindicacións, os cantos e os manifestos.

Os carteis en alusión á muller estiveron presentes en todo momento

Foron ao redor de 250 persoas as que asistiron aos actos celebrados na praza do Concello segundo se informou os Corpos de Seguridade.

Máis carteis reivindicativos portados por mozas do IES Cosme López de A Rúa

Mostramos o vídeo

onde se pode ver esta ofrenda floral.

O Barco celebrou o Día da Muller por partida triple