A ruta elixida este ano levounos a Vilamartín onde o Concello convidounos a unha pinchada
E o terceiro ano consecutivo que Hugo Prieto organiza a concentración de clásicos no concello de Larouco. A organización busca dar a coñecer a comarca de Valdeorras e algún evento, este ano foron as festas de Vilamartín, o pasado unha adega na Portela e o anterior as Terras de Trives.
A medida que foron chegando, os coches eran estacionados na explanada da cooperativa de Larouco, onde estiveron expostos até as 11:30, hora na que a comitiva partiu cara Vilamartín. Foron ate Petín pola estrada Vella, como nos sinalou Hugo. Logo por Barxela chegaron a Valencia do Sil e de alí a Penouta desde onde puideron contemplar as preciosas vistas do núcleo urbano de Vilamartín.
Na praza vilamartinesa os participantes fixeron parada e expuxeron de novo os seus vehículos. Recordar que Vilamartín celebra estes días as festas do San Jorge e desde o Concello convidaron aos asistentes a unha pinchada e un vermú. Volta cara Larouco para comer no pavillón polideportivo. Ao remate sorteo de botellas de Licor entre os asistentes.
A choiva deixouse ver nalgún dos tramos e fixo que se trasladase o lugar da comida ao pavillón. A organización tiña previsto o xantar na explanada da cooperativa de Larouco, onde a mañá estiveran expostos os coches.
De Ourense, Galicia, Asturias,Ponferrada e tamén os veciños do Club de Castro Caldelas, repetiron un ano máis na concentración organizada por Priero. 50 coches nos que cabe destacar o Chevrolet Bela air do 57, un Dodge, un Jeep militar, un Seat 1400, ou un Citröen Tiburón. Renault, incluso Citröen e Peugeot, foron outras das marcas automovilísticas que se puideron contemplar.