O primeiro musical galego da historia representouse no Barco con gran aceptación entre os espectadores
A actividade regresou definitivamente ao Teatro Lauro Olmo do Barco na noite do venres, e o fixo ca representación de "O Candil" a cargo da Escola Galega de Teatro Musical.
O público comezou a chegar con moita antelación as instalacións municipais debido ao protocolo de entrada destinado a evitar aglomeracións e facer unha entrada escalonada, de feito os espectadores foron levados ata o seu asento por un acomodador, sendo obrigatorio o uso de máscaras en todo momento.
Esta obra era unha comedia musical interactiva sobre tres mulleres moi distintas que buscan o propio ser ante un momento de confusión e cambio da mentalidade global. Concretamente en 1918, coincidindo co fin da Gran Guerra que deixou a Europa en ruínas.
Na mesma cantáronse diversas cantigas tradicionais, de comenzos do século XX, que o público non dubidou en seguir ao compás das protagonistas que actuaron durante case toda a obra con máscaras ou no seu defecto con pantallas.
Durante a actuación tamén se falou do mundo cambiante, a reflexión sobre os erros do pasado que revolucionaron o mundo laboral, o artístico ou o feminino.
A historia estivo ambientada na Coruña, cidade que chegou a ser un dos núcleos políticos, artísticos e sociais naquela época, cunha xeración que non tiña medo ó futuro e daba a mellor acollida ás máis diversas personalidades.