O concerto de Leilía encheu a carpa colocada no Campo da Festa con 200 persoas sentadas nas respectivas cadeiras
O concerto do grupo de música tradicional galega "Leilía" provocou gran expectación ao seu paso polo Barco de Valdeorras, a onde chegaron para actuar no programa das Festas do Cristo.
Un total de 200 personas ateigaron un recinto no que o espazo necesario para cumplir todas as medidas de seguridade provocaron que a última fila de cadeiras estivera a máis de 50 metros do escenario. Así mesmo, medio cento de espectadores viron o concerto dende fora do recinto, que estivo vixilado pola Policía Municipal co fin de que se manteran todas as medidas sanitarias.
De novo o rexistro de asistentes foi obrigatorio para ver a un dos grupos pioneiros a hora de por en valor a música galega, "Leilía" naceu no ano 1989 da man de Ana, Patricia, Merchi, Montse, Felisa e Rosario, que son as encargadas da voz e das pandeiretas. As 6 artistas sacaron ata o momento 5 discos de estudio e fixeron colaboracións entre outros con Kepa Junkera.
Este luns o programa cultural do Cristo rematará co espectáculo de Inventi Teatro "A tropa do doutor milagre" e o concerto de "Los Íñigos", ambos no Campo da Festa.