Se algo caracteriza ao CD Córgomo Vilamartín é a súa afección. Esa que cada 15 días enche o Campiño de Viloira e que tampouco renuncia a viaxar co equipo. Na casa ou fóra, hai tres que non faltan nunca: Evaristo, Eduardo e Lucio.
Estes tres veciños de Córgomo comparten unha enorme amizade, «e aínda somos algo da famila», contan a Somos Comarca. Tamén coinciden en que marcharon fóra a traballar durante 40 anos. Eduardo e Lucio fixérono a Alemaña e Evaristo, a Suiza. «Retornamos e retomamos a amizade», indican.
Agora fan todos os días un percorrido de cinco ou seis quilómetros camiñando e pasan moito tempo xuntos. Nas fins de semana asisten sempre a ver o Córgomo, «que nos fan disfrutar moito».
Por iso, dende o equipo presidido por Jorge Guitián quixeron homexealos, sendo estes tres veciños de Córgomo a imaxe do cartel desta xornada, así como cun sinxelo acto antes do comezo do partido, algo do que están agradecidos.
Onte, iso si, estaban tristes. O Córgomo caeu goleado ante o líder, aínda que Evaristo Eduardo e Lucio, os tres de sempre, teñen claro que «hai que tomalo con alegría e non preocuparse, porque esta é unha liga na que predomina a amizade».
