domingo. 05.02.2023

Quiroga organiza un concurso de debuxo infantil sobre a Feira do Viño

Os traballos deberán de presentarse na Casa da Cultura antes do 12 de abril e entregaranse dentro dun sobre pechado no que se incluirán os datos do autor
Quiroga organiza un concurso de debuxo infantil sobre a Feira do Viño

O Concello de Quiroga organiza un concurso de debuxo infantil para a Feira do Viño, no que poden participar todos os nenos e nenas de entre 3 e 12 anos de idade. Os debuxos realizaranse en tamaño folio A4 tendo como tema a Feira do Viño.

O debuxo que deberá ser orixinal poderá realizarse en calquera medio plástico: lapis, tinta, acuarela, acrílico, óleo, collage, gravado ou mixto. Ademais, establécense tres categorías para o concurso, Categoría A para os participantes de 3 a 5 anos; B para participantes de 6 a 8 anos; categoría C de 9 a 12 anos.

Os traballos deberán de presentarse na Casa da Cultura antes do 12 de abril e entregaranse dentro dun sobre pechado no que se incluirán os datos do autor. Os gañadores deste certame recibirán premios sorpresa, tres por cada categoría.

Quiroga organiza un concurso de debuxo infantil sobre a Feira do Viño