viernes. 07.10.2022

Nava Castro presidiu o acto inaugural da Mostra de Aceite de Quiroga

Cinco produtores locais de aceite e artesáns da madeira de oliva, de marmeladas, un cesteiro e un posto de xoguetes mostraron e ofreceron aos visitantes os seus produtos

A directora da axencia de Turismo de Galicia, Nava Castro, presidiu este domingo o acto da inauguración da  Mostra  do Aceite de Quiroga, que se celebrou en Bendilló e que chegou á súa décimo segunda edición. Estivo acompañada polo presidente da Deputación de Lugo, José Tomé:  delegado territorial da Xunta, Javier Arias; subdelegada do Goberno, María Isabel Rodríguez; deputada  provincial, Pilar García e o anfitrión, o alcalde de Quiroga, Julio Álvarez.

Mostra do Aceite de Quiroga 2022 (4)
Aplausos para Os do Recanto que amenizaron o acto inaugural

Unha vez cortada a banda, dirixíronse ao muíño de aceite de Bendilló, onde puideron ver  como funcionaba o antigo muiño accionado por un burro. O edificio restaurado consérvase como nos vellos tempos e transpórtanos ao pasado.

Mostra do Aceite de Quiroga 2022 (68)
Nava Castro no muíño de Bendilló

Na capela do San Xoán das Farrapas, situada preto do muiño mostrouse nunha pantalla, durante todo o día, documentais e actividades en torno á mostra.

Mostra do Aceite de Quiroga 2022 (40)
Capela do San Xoán das Farrapas

A agrupación local, Os do Recanto, acompañaron aos visitantes coa súa música por todo o recinto e tamén fixeron soar a súas gaitas no acto inaugural.

Mostra do Aceite de Quiroga 2022 (13)
Os do Recanto no recinto da Mostra

Na mostra gastronómica declarada festa de interese turístico de Galicia desde o ano 2013 participaron cinco produtores locais de aceite de oliva que ofreceron os seus produtos nos postos de venda instalados no recinto. Non faltou o artesán local de madeira de oliva, Pablo Rodríguez, quen realiza todo tipo de utensilios de cociña con este material.

Mostra do Aceite de Quiroga 2022 (50)
Nava Castro saúda a Pablo Rodríguez, artesan do obradoiro Armaior

Un posto de xoguetes de madeira e un cesteiro facendo cestas diante de todo o mundo foron un atractivo máis. Non faltou o pulpo e churrasco na carpa destinada a tal menester.

Mostra do Aceite de Quiroga 2022 (52)
José Tomé, mostra interese por un cascanoces feito en madeira de oliva

O sol de xustiza apretou nas horas centrais do día e aínda que a tormenta quixo estragar ao final do día a Mostra. Non o conseguiu.

Mostra do Aceite de Quiroga 2022 (14)
O cesteiro relizando cestas ao vivo

Nava Castro presidiu o acto inaugural da Mostra de Aceite de Quiroga