A piques de comezar a operación saída de Semana Santa producíase no Alto do Covelo, Viana do Bolo, un accidente de tráfico. En torno as 13:00 do 7 de abril, unha chamada ao 112 alertaba dun accidente de tráfico no quilómetro 27 da OU-533, no cruce do Alto do Covelo. Dous turismos colisionaban co resultado dunha persoa ferida que foi trasladada o Hospital Comarcal Valdeorras.
O accidente produciuse ao arranque da operación saída de Semana Santa na que a Dirección Xeral de Tráfico prevé sobre uns 1,4 millóns de desprazamentos na comunidade autónoma galega. A operación especial desenrolase entre as 15:00 horas do venres 7 de abril e as 0:00 horas do luns 17.
A meirande intensidade de tráfico nas estradas galegas está prevista nas autoestradas AP-9, A-6, A-52, A-55 e nas estradas nacionais N-634 e N-550. Na provincia de Ourense os puntos onde se prevé que haxa incidentes son nas estradas N-120, na N-525 y na OU-540.
Tamén dende a DGT recoméndase precaución e facer as paradas oportunas, así coma non viaxar en horas desfavorables ou moi desfavorables, que para este fin de semana son: entre as 15 e as 22 horas do venres 7, entre as 9 e as 14 horas do sábado 8 e entre as 18 e 22 horas do domingo 9.
