A asociación Centro Comercial Aberto O Barco —CCA—montou, nesta xornada de sábado 18 de marzo, véspera do Día do Pai, un circuíto de xogos en inchables deportivos para festexar o día do proxenitor, coa campaña «Con P de Pai».
En principio era para desfrutar destes xogos o aire libre na praza do Concello, pero a chuvia fixo que se trasladase ao pavillón vello.
Catro inchables deportivos onde pais e fillos e fillas xogaron en parella para acadar a puntuación mínima, en cada inchable. A recompensa por acadar a puntuación foron vales de compra para investir nos establecementos asociados.
Os xogos desenroláronse desde as 11 da mañá ata as 13.30 horas. Pola tarde pais e fillos compartiron tempo de divertimento e xogos entre as 17.30 e as 20.00 horas.
Para participar nos xogos obrigábase a presentar un tícket de compra dalgún establecemento asociados ao CCA O Barco, con data do mes de marzo e importe mínimo de 5€.
