O martes, día 30 de agosto, están convocados os comerciantes e hostaleiros do
Barco para informalos sobre o funcionamento do
I Encontro Food Truck Rilla no Barco. Este evento celebrarase dentro da programación das Festas do Cristo 2016 que se celebrarán do 8 ao 14 de setembro. Os food trucks instalaranse na beira do río Sil xusto na parte de abaixo do Campo da Festa. Nesa zona haberá posibilidades variadas de comida de rúa e tamén actuacións
musicais e un mercadiño de produtos diversos. O martes ás 17 horas os hostaleiros recibiráninformación sobre a súa posible participación neste evento e despois ás 20:30 horas será o momento de contarllo ao sector comercio. Será no 3º piso do Edificio Multiusos do Concello do Barco.
O Centro Comercial Aberto e
Aeva colaboran co Concello do Barco para convocar ao sector.
A esta reunión tamén poden acudir todos aqueles empresarios destes sectores aínda que non estean asociados.
A concellería de Cultura do Barco solicitou dende un principio á empresa organizador a deste evento,
Elemental Chefs, que, como mínimo, dúas furgonetas estiveran reservadas para que hostaleiros da vila puideran participar no evento.
Na reunión das 17 horas do día 30 de agosto informaráselle do sistema de participación. Mercadiño vintage
Dentro do evento “Rilla no Barco” hai unha zona dedicada a venta de produtos de artesanía, roupa e outros produtos. Os comerciantes da vila barquense recibirán información sobre o xeito de apuntarse e participar.
O Barco de Valdeorras9.4 °Ccielo claro
