O distrito sanitario de Valdeorras pon en marcha un ano máis dúas iniciativas que se converteron nunha tradición: o Concurso de Tarxetas de Nadal e o Concurso de Decoración de Espazos e Unidades. Estas actividades buscan promover a creatividade e a unión no ámbito sanitario, levando o espírito navideño aos centros de saúde e ao hospital da comarca.
Dirixido ás fillas, fillos, netas e netos dos profesionais sanitarios, o Concurso de Tarxetas de Nadal pretende destacar a visión máis entrañable destas festas a través da arte infantil. Os debuxos, que deberán plasmar a temática do Nadal e o labor dos profesionais sanitarios, serán creados na parte posterior das tarxetas que se repartirán no Hospital de Valdeorras e nos Centros de Saúde da Comarca.
O prazo para entregar as creacións vai do martes 2 ao venres 13 de decembro de 2024. As tarxetas deberán ser depositadas nas unidades de información do hospital ou nos centros de saúde do distrito.
As obras serán avaliadas por un xurado composto por membros dos medios de comunicación da zona, que premiarán unha tarxeta por cada categoría de idade: de 1 a 4 anos, de 5 a 8 anos e de 9 a 12 anos. Os debuxos gañadores serán expostos na planta baixa do Hospital de Valdeorras durante o Nadal, e algúns deles tamén serán difundidos a través das redes sociais.
Os premios entregaranse nun acto especial que terá lugar no vestíbulo do hospital durante as festas, destacando o talento e a creatividade dos máis pequenos.
