O Distrito Sanitario de Valdeorras convocou, un ano máis o concurso de tarxetas de Nadal no que participaron 100 nenos e nenas, fillos ou netos de traballadores en activo ou xubilados do centro sanitario barquense.
O debuxo de Lucía, de 4 anos foi a mellor valorada na categoría de 1 a 4 anos. Mateo, de 8 gañou a de 5 a 8 e a tarxeta de Asier, de 10 conseguiu a de 9 a 12. Os premiados recibirán o seu agasallo nun acto que se celebrará á entrada do hospital durante as datas do nadal.
O xurado estivo composto por representantes da prensa local que elixiron un debuxo de cada unha das categorías. O mellor valorado foi p que gañou o concurso.
A temática tiña que facer referencia ao nadal e a laboura dos profesionais que traballan nos centro públicos do Distrito —O Barco, Rubiá, Petín, A Rúa, Vilamartín, Larouco, O Bolo, Carballeda, Viana do Bolo, A Veiga, Vilariño de Conso, Manzaneda, A Pobra de Trives e San Xoán de Río—.
Os debuxos feitos polos 100 rapaces e rapazas participantes, poden verse no pasillo da planta baixa do Hospital Público de Valdeorras. Ademais unha selección deles, ademais dos premiados difundiranse pola redes sociais outros seleccionados, como tarxetas de felicitación das festas do Nadal.
