O Barco comeza co repintado dos pasos de peón do municipio
04 de septiembre de 2024 (17:02 h.)
Durante a xornada de hoxe mércores 4 de setembro están cortándose, temporalmente, parte das rúas Conde de Fenosa, Marcelino Suárez e avenida Manuel Quiroga
O Concello do Barco continúa engalanándose para as Festas do Cristo. Agora é a quenda dos pasos de peóns do municipio, que están sendo repintados.
Na xornada de hoxe mércores 4 de setembro estará cortado o tráfico por tramos intermitentes. Nesta tarde repintáronse os da rúa Conde de Fenosa, Marcelino Suárez e avenida Manuel Quiroga.