miércoles. 17.04.2024
Raigada terá unha mellora na rede de abastecemento

Manzaneda xa comeza a traballar nos proxectos do 2024. Nestes momentos están inmersos nas subvencións para arranxar diferentes rúas e zonas do municipio, aínda que, en principio, haberá que esperar mais ou menos ata o verán en moitas delas. Hai que esperar a que veñan concedidas. 

Agora mesmo, «temos en plan facer unha obra en Raigada que é o mantemento na rede de abastecemento, xa que nos últimos anos nos tiña dado problema polo tema de roturas», explica Amable Fernández, alcalde de Manzaneda. Con esta problemática levábase «dous veráns, entón cunha subvención que nos facilita a Deputación de Ourense, fixemos os proxectos e enviamos a documentación pertinente. Nestes días xa nos comentaron que estaba todo ben», engade.

Agora, o próximo paso é poder «licitar ca empresa que vai facer a obra que ten un importante de 47.900 €, que nos vai dar para facer, aproximadamente, 700 metros de arranxo nas zonas máis problemáticas», asegura Fernández. 

Por outra banda, neste mes «saíron todas as subvencións da Xunta, entón estamos tramitando todas as que nos interesan a nós. Tamén a través da Deputación co Plan único metemos unha subvención para arranxar un par de tramos en estradas». 

Dende o Concello aprobábase, fai uns días, o Plan de Medidas Antifraude, «esta é unha esixencia que che poñen dende Europa para poder optar a fondos europeos. O secretario estivo durante semanas recadando información e facendo o plan», di o alcalde de Manzaneda. Entón, xa estaría todo arranxado para poder optar a algunhas «pequenas subvencións de Europa». 

Raigada terá unha mellora na rede de abastecemento