O San Roque celebrouse con moita festa e campionatos de todo tipo

Onte celebrouse a onomástica de San Roque, o santo ao que se lle pide axuda contra os virus e as enfermedades e ademáis crese que protexe aos cans e deles. Hai una oración que a xente que cre reza para que non ser mordidas por cans.

Conta a tradición que cando San Roque camiñaba en peregrinación a Roma curou a enfermos de peste collendo el tamén a enfirmidade, polo que se aillou nun monte. Conta a lenda que sobreviviu coa axuda dun can que lle levaba a comida e lle curo as feridas.

Onte celebrouse esta festividade en Viana do Bolo, O Bolo, As Ermitas, Castromao, A Rúa Vella ou O Barco e imos contar o que se fixo en cada un destes lugares.

En Viana do Bolo despois da misa e a procesión na honra a San Roque, pasarrúas coa Banda de Xinzo e pola tarde houbo baile coa orquestra Cinema.

O barrio de San Roque do Barco —Casas Baratas— celebrou este 16 de agosto con dúas novidades, unha no percorrido da procesión que chegou a Praza das Airas e pasou pola rúa que leva o nome do santo . E a outra, a incorporación dunha nova imaxe, a de «San Roquín», un San Roque pequeno que o párroco Jesús Álvarez atopou na ferretería dos Crespo no casco vello. Ademais houbo torneo de tute e verbena co  Dj. Dani Argü. Tamén houbo campionato de tute.

En Castromao tamén houbo misa solemne, campionato de bolos e festa e verbena co grupo Alma Latina. Hoxe continúan as festas cunha cea popular para todos os veciños e veciñas.

A torre da homenaxe do Castelo do Bolo tínguiuese de cores durante as festas da Nosa Señora. Onte houbo pasarrúas coa charanga La Tatto e festa coa orquestra Galilea.

A festas nas Ermitas comezaron o luns cun campionato de tute. O martes houbo campionato de natación, chave e ra. Tamén concurso de tortillas e doces. Onte no descanso da festa entregáronse os trofeos de todos estes concursos e actuou o grupo Amistades. Houbo chocolatada pola noite e tamén de madrugada.

O San Roque na Rúa Vella comezou onte cunha misa na capela do santo que este venres irá en procesión cara a igrexa para voltar o domingo de novo.