Por fin, a neve tinguiu de branco os cumios da comarca

Xa había ganas de ver as montañas cubertas de neve é a pasada madrugada así sucedía. Trevinca e Manzaneda cubríronse cun tenue manto branco que a medida que avanza o día íase diluindo.

Segundo MeteoGalicia para a xornada de hoxe, prevense ceos con nubes e claros nas próximas datas, ocasionalmente moi anubrados. A partir das 18.00 horas o risco de fortes chuvias é do 80%.

Haberá precipitacións tódolos días. En canto ás temperaturas, serán normais para este período, con mínimas que descenderán moderadamente e máximas que descenderán notablemente. Vento forte do Oeste do domingo pola noite ó martes pola mañá.

No referido á calidade do aire, manterase a un nivel favorable en xeral.

Para mañá aviso amarelo por chuvia no oriente ourensá, non existe risco meteorolóxico para a poboación en xeral aínda que só para algunha actividade concreta (fenómenos meteorolóxicos habituais pero potencialmente perigosos). A partir das 9.00 horas abriranse claros para xa a tarde volver a chover a partires das 18.00 horas.