A campaña "Quere o teu mercado", organizada pola Xunta de Galicia para "incentivar o consumo de productos frescos e a compra de proximidade", encheo a praza de clientes, e non clientes, que se atoparon cun ambiente moi festivo e que valoraron de forma moi positiva.
O máis sorprendente foi descubrir un mercado cheo de cativos, uns "clientes" pouco habituais, pero que gozaron, e moito, co espectáculo do circo de rúa, con malabares, da man de Kote Malabar
Unha mañá moi animada cun ir e vir de xente, e que sobre todo, encomiaron os petiscos que estaban a disposición de todos os asistentes. Sacarónse arredor de 150 pinchos, uns 20 por cada posto do mercado, elaborados por Oliver Fernández, de Como en Casa, con productos da propia praza.
Dentro desta campaña o Concello do Barco repartiu bolsas rotuladas, que ás 12.00 horas da mañá xa estaban esgotadas, para que todos os praceiros as entregaran aos clientes.
No seguinte video podedes escoitar as diferentes declaracións realizadas para este medio da concelleira de Comercio e Turismo, Alba Rodríguez, o alcalde do Barco, Alfredo García, clientes e praceiros.
Dando unha volta pola praza de abastos do barco:
