As rúas engalanadas polos veciños con materiais da natureza e os produtos gastronómicos do territorio foron os protagonistas nesta xornada na que se da o pistoletazo de saída a ilusión do Nadal.
Ás 12.00 horas quedaba inaugurada a terceira Feira Montañas de Trevinca, onde ademais de mercar produtos da Veiga como a mel, o queixo ou as Fabas Lobas púidose degustar filloas con mel ou de sangue é un viño quente e doce con sabor a canela.
Falamos coa xente dos postos e tamén coas mulleres que fixeron as filloas, no seguinte vídeo poderedes saber como se fan:
Tamén percorremos as rúas engalanadas con loureiros, acivros, cantarolas, polas de carballo e unha morea de figuras feitas polos artesáns que levan dentro un gran artista.
O que máis nos engaiolou foi un conxunto de «duendes» xigantes no barrio da Pateira onde ademais está o colexio que tamén tiña figuras moi «chulas» relacionadas co ensino. Cegoñas, xabarís, mouchos, burros e un bo número de animais adornaban toda a rúa.
Outra zona que chamou a nosa atención foi a rúa do Campo. Un cocho no chamberí, os chourizos colgados, o lume na lareira..., e todo feito en madeira de magnitudes moi, moi grandes.
Na praza do Concello un belén, tamén tallado en madeira, cos Reis Magos e ata un carro tirado por unha parella de bois e un cercado con ovellas.
«Non se pode decorar todo un pobo enteiro coma este se non tes veciños tan especiais como hai aquí», afirmou Juan Anta.
Este é o vídeo onde podes recorrer con nos un pouquichiño dese Nadal Enxebre:
«Hai que vir a Veiga a desfrutar da nosa gastronomía e dos produtos agroalimentarios da nosa terra que hoxe inauguramos», dicía Juan Anta, alcalde da Veiga.
O rexedor invitaba así, a todos os que queiran achegarse á Veiga durante estas datas: «Desfrutar do traballo duns veciños que queren facer un Nadal especial, distinto, no que a xente se sinta especialmente orgullosa das súas raíces. Eles converten un pobo precioso nun pobo marabilloso». E, é que A Veiga cada Nadal convértese nun lugar máxico e cheo de cousas sinxelas que poñen en valor o poder da unión dun pobo.
A Feira de Montañas de Trevinca cada ano ofrece algo novo para que o que vai unha vez volva ao ano seguinte. «Sempre facemos cousas novidosas, este ano sorteo de produtos de alta montaña a todos aqueles que fagan unha compra superior a seis euros. Hoxe houbo degustación de filloas e viño quente e mañá outra degustación ás 13.30 horas», aseguraba Anta. «O que se pretende é que cada ano haxa novidades para que a xente siga vindo», subliñaba.
«Na Veiga pasa todo o que está a pasar, primeiro por que hai xente que se involucra desta maneira. A segunda é que hai un equipo de xente traballando no Concello que é sempre de agradecer e que sempre está colaborando e trabando», apuntou.
A Feira estará aberta hoxe sábado e mañá domingo desde as 12.00 horas até as 18.00 horas. O Nadal Enxebre adornará as rúas da Veiga ata pasar os Reis
Conversa mantida con Juan Anta: