A Veiga convértese en escenario da memoria rural con “Paisaxes Candentes”

A Veiga acollerá o vindeiro 24 de maio a presentación de “Paisaxes Candentes”, unha iniciativa impulsada polo Laboratorio Mutante de Outonía S. Coop. Galega que pretende achegar ao público unha reflexión sobre a memoria rural a través das artes escénicas. O acto terá lugar ás 16:30 horas na Sala de Conferencias O Toural.  

A proposta inclúe a representación da peza teatral Arredor da auga, creada a partir dun proceso artístico desenvolvido con residentes da zona baixo a mediación do artista Guti González. A obra constrúese desde as vivencias, lembranzas e relatos das persoas participantes, combinando palabra, humor e experiencias compartidas para abordar tanto o pasado como o presente do rural.  

Ademais da representación, o encontro completarase cunha improvisación colectiva na que as persoas asistentes poderán compartir de maneira espontánea historias e experiencias vinculadas ao territorio e á vida rural.  

Desde a organización destacan que “Paisaxes Candentes” busca converterse nun espazo de creación comunitaria e reinterpretación da memoria rural mediante as artes escénicas.  

O proxecto conta co apoio da Axencia Galega das Industrias Culturais e do Ministerio de Cultura, ademais da colaboración do Concello de A Veiga