O Entruido da Veiga brilla baixo o sol no seu día grande

Aínda que sexa martes trece, foi un día de alegrías e boas sensacións nas rúas da Veiga. O Entrudio vibrou debaixo dun espléndido sol, acompañando a 3 fulións e cinco carrozas. Normalmente, neste día sempre están os ollos pendentes do ceo, pero este ano non tivo que ser así, desfrutouse sen necesidade de temores e fríos. 

Ás 12:30 abría o desfile o fulión de Chandrexa, seguido da comparsa "Locos pola Música". A Casa Niño non quedaba atrás e os máis pequenos do concello puideran desfrutar desde desfile. Despois, en cuarta posición, atopábanse as mulleres rurais con "Xolleir@s". O fulión de Penouta -Ramilo volvía polo ritmo cos bombos e as aixadas. 

Case rematando, saía a carroza "Invernia do Bosque", seguidos da Residencia de Mariores. Este desfile pechábao os anfitrións, o fulión da Veiga. A Praza do Concello foi o punto final do recorrido e, tamén, de conexión entre todas as agrupacións. 

Os anfitrións tomaban este día con ganas e coas expectativas moi altas. Tocar na casa, tocar rodeados dos seus, é unha sensación que ano tras ano segue sendo marabillosa. 

Despois de tocar diferentes ritmos entre todos os fulións que alí estaban, era hora de acudir o pavillón para saborear a soá, era o tempo da Festa da Soá. Un total de 343 persoas compraron unha entrada para poder asistir. Dende o Concello calculan que en total había unhas 700 persoas nesta XVIII edición. 

A música foi protagonsita xunto o prato principal, a "troula" e, sobre todo, as boas sensacións, apoderáronse tamén da comida. Se queres gozar dun pequeno anaco do desfile e da Festa da Androlla, non dubides en ver o próximo vídeo.