18 de noviembre de 2018, 14:43
A Veiga celebrou a tradicional Festa do Magosto na tarde do 17 de novembro, na praza do Toural. Máis de 150 veciños e achegados tomaban parte nesta xuntanza na que, ademais de castañas asadas, houbo chourizos e panceta a grella, acompañado, coma non, por viño, refrescos e pan.
Tamén se puideron degustar os doces feitos polos máis pequenos e as súas familias no obradoiro celebrado esa mesma mañá.
Tarde de festa e algarabía na que o importante foi pasar un rato entre amigos e veciños compartindo un dos produtos máis nosos, «os bullotes».
Foto cedida polo Concello da Veiga
