Denuncia o
desmantelamento da sanidade na comarca e
pide á consellería que escoite as demandas
dos profesionais, doentes e
veciñanza
A deputada do
BNG, Noa Presas, formulou hoxe unha
pregunta ao conselleiro de sanidade, Jesús Vázquez Almuíña, na que reclamou
cubrir as prazas por xubilación do
persoal médico de Atención Primaria en Valdeorras e rematar co deterioro
sanitario da comarca.
A deputada,
denunciou o desmantelamento da atención primaria valdeorresa á que
sumou a «situación insostible» do Hospital. Para a nacionalista, o Goberno
galego está a xogar co «dereito á saúde» polo que demandou unha rectificación
contra o abandono de Valdeorras.
Presas insistiu
na necesidade de establecer un diálogo
entre a consellería, os e as profesionais, doentes e veciñanza para abordar alternativas contra os recortes
económicos e de persoal ao que engadiu
recortes na capacidade de xestión e autonomía pola reforma da Lei de Saúde.
A deputada
tamén denunciou casos graves detectados durante o Nadal coa falsificación de partes de garda cuxa
investigación non foi iniciada pola Xunta de Galiza porque, ao seu entender,
esa falsificación pretendía agochar «a
falta de persoal».
Pedímoslle unha
rectificación e que doten esta comarca
dos medios necesarios na atención primaria e na atención hospitalaria
porque están «impedindo o dereito ao acceso á sanidade», reiterou.
Na súa
intervención, a nacionalista referiuse ás
xubilacións do persoal médico sen cubrir e nomeou, entre outras, as localidades de Rubiá, A Rúa, O Barco, Viana
do Bolo e Vilamartín de Valdeorras.
Recordar que os centros de Atención Primaria da Rúa e O Barco fan todos os luns un parón de 5 minutos as portas dos seus respectivos centros para visualizar o seu desacordo e a falta de medios dos que dispoñen.
«Reiteradamente a
zona
especial de urxencias da Veiga e O Bolo quedan sen cubrir. Iso fai que A
Veiga dependa de Viana e O Bolo do Barco, arriscando a calidade do servizo cun só especialista para
atender até 700km cadrados».
Nesta parte do
territorio, explicou, existe un problema de
avellentamento e aumento de enfermos pluripatolóxicos pero tamén existen
necesidades urxentes no Hospital de Valdeorras no que non funciona o
servizo de Hospitalización a Domicilio por falta de persoal.
Trala resposta do
conselleiro de Sanidade que destacou o
funcionamento, dende onte mesmo, dos desprazamentos, a deputada desmentiuno pero de ser así, dixo, quero amosar a miña
satisfacción por comprobar que grazas a
pregunta formulada polo BNG, «a consellería toma decisións no bo camiño».
Por outra parte,
a nacionalista salientou que «faltan
internistas» e polo tanto non funcionan moitos servizos ademais é falsa
a activación da hospitalización a
domicilio e a cobertura de profesionais en Atención primaria, concluíu.
