En Vilariño de Conso o Entroido comezou o sábado 25 de febreiro a partir das 18:00 horas. A ronda de Fulións recorría as calles da vila, en representación das tradicionales “visitas” rondando as bodegas do pobo, para rematar logo na carpa habilitada, onde se degustou o tradicional “Porco ao espeto”. O mesmo sábado a partir das 20:00 horas tivo lugar o concurso de disfraces e posterior festa a cargo da discoteca móbil A Gramola.
O Domingo Gordo serviuse o prato forte de Vilariño de Conso e día grande do Entroido. Ás 12:00 horas, leuse o pregón na praza do pobo, seguido dos Fulións de todas as parroquias e concellos, que recorreron as rúas de Vilariño coas súas carrozas, nun desfile que se alongou ata a hora do xantar. Todas as carrozas participantes sumáronse ao Consurso de Carrozas.
Arredor das 14:30 horas do domingo, no pavillón polideportivo celebrouse a esperada XXVIII Edición da Festa do Cabrito, referente gastronómico de Vilariño e Festa de Interese Turístico de Galicia, que contou cun aforo de máis de mil persoas. O menú incluiu empanada, chourizos, pan, cabrito e bica, ademais de bebida e chupitos.
O Martes de Entroido ás 19:00 horas será tempo da queima do lardeiro e a lardeira, acompañada de bombos e gadañas para ir despedindo o Entroido.
Xa o Mércores de Cinza, día 1 de marzo, o Entroido2017 remata co Enterro da sardiña, que terá lugar ás 20:00 horas da tarde no Toural, seguido da tradicional sardiñada, que poñerá fin ao Entroido ata o próximo ano.