jueves. 28.03.2024
O Bolo

A Festa da Vitela congrega a cerca de 900 persoas no pavillón do Bolo

Nesta nova edición o adegueiro Rafael Palacios recibiu unha homenaxe por ser o mellor «embaixador» do concello

A Festa da Vitela celebrada no pavillón do Bolo reuniu a máis de 900 persoas onde o adegueiro Rafael Palacios foi homenaxeado pola súa actividade empresarial e restauración de viñedos no concello. «Por ser un gran traballador e pola tua profesionalidade no sector vitivinícola e por ser o mellor embaixador do noso concello en todo o mundo», con estas palabras finalizaba Manuel Corzo, alcalde do Bolo o seu discurso, agradecendo ao empresario a elección destas terras para os seus cultivos.

Corzo facéndolle entrega a Palacios dunha peza onde se ve o «Dúo do Santuario das Ermitas»

Rafael Palacios tamén tivo palabras de agradecemento para o alcalde e o concello, pero sobre todo para o seu equipo; os que foi nombrando un a un. No seguinte vídeo podedes ver e escoitar o discurso íntegro de palacios.

Con case unha hora de retraso sobre a hora prevista, por fin chegou a ansiada sopa de cocido con fideos coa que cada ano comeza a festa da vitela. A carne ao caldeiro de tenreira e o plato principal e o roscón oo doce de sobremesa.

Rafael Palacio co seu equipo presente na homenaxe

Na mesa presidencial acompañaron o anfitrión Manuel Corzo, o homenaxeado Rafael Palacios,; o vicepresidente da Deputación, Rosendo Fernández; o senador Avelino García; o alcalde de Larouco e Alvaro Fernández, candidato do PP a alcaldía da Rúa, entre outros.

Mesa presidencial

Trala comida as 18:00 horas comezo do Festival Medieval no Castelo, unha exhibición de Cetrería do Salnés, e tras el, será a quenda de Javier Franco, un gaiteiro á usanza medieval. Contará o evento coa actuación dos Raparigos do Ferrol, grupo ao que está adicado en homenaxe, esta terceira edición da Feira. Terán espazo tamén os membros do grupo de Zanfonas da Escola Provincial de Gaitas da Deputación de Ourense, as Cantareiras da Seitura de Lentellais, as Cantareiras da Real Banda e o Real Xuvenil e Banda de Gaitas do Concello do Bolo, do que o pobo e o seu alcalde están máis que orgullosos.

Equipo de voluntarios de Protección Civil necesarios para o bo desenrolo da festa

A Festa da Vitela congrega a cerca de 900 persoas no pavillón do Bolo