Unha proba marcada pola chuvia e o frío na que participaron 70 deportistas
A décimo segunda edición da carreira dos Santiños estivo marcada pola chuvia, o frío e a alta participación, máis do dobre que o pasado ano. En total 166 participantes dos que 60 deportistas participaron na carreira popular absoluta, onde os vencedores foron o atleta de Sobradelo, Alejo Ares Prada e Iria Fernández Fontenla, nas categorías masculina e feminina respectivamente, ambos do ADAS Barco.
Mentres que Alejo —21,34— fixo a carreira en solitario marcando unha gran distancia co segundo clasificado Julian Romero —24,18— e o terceiro Pablo Prada —24,2—. Iria Fernández —28,40— correu acompañada de Inés Docampo —29,04— quen onte estivo no cros de Atapuerca. Conqueriu a posición vixésimo oitava entre ás máis de trescentas deportistas que participaron nesta proba nacional. En terceira posición chegou Grit Hagen —32,05—, tamén do club barquense.
Agustín González «Tinín», presidente do Adas valora moi positivamente a proba tanto polo número de participantes como polos colectivos deportivos da comarca entre os que se atopaban o Fluvial Barco, Asociación Peña Trevinca O Barco, Club Atletismo Rúa, Atletismo Trives ou as Escolas Deportivas da Rúa. «A pesar das inclemencias meteorolóxicas, do día complicado no que tamén había eleccións hai que dicir que tivemos o dobre de participación que o ano pasado, eso para nos é importante porque o ano pasado quedamos preocupados porque non lle viamos moito futuro», declaraba González ao remate da proba.
Se quere escoitar as declaracións de Tinín González, preme na seguinte ligazón:
Respecto a carreira de menos de 16 anos a Sub 16 os gañadores foron Marcos Flecha —18,3— e Carmen Rodríguez —18,34— ambos do Adas. O segundo posto para Xabier Pérez do Atletismo Rúa e Iria Taboadela , tamén do ADAS. O terceiroposto ocuparono Emlio Vidal e Lina Castro.
Na categoría Sub 14 o primeiro en chegar á meta foi Juan Fernández. Nicolás Sierra foi segundo e Isaac Novoa, terceiro. En cuanto as femias desta categoría, Ruth García chegou en primeira posición, Fátima Pérez en segunda e Naira Castro, terceira.
E respecto os máis pequenos destacar a espléndida carreira de Mauro Gil quen saíu como un foguete e chegou disputando a primeira praza.