A representación de teatro Chocolate chegou á Biblioteca Municipal de Trives o martes 7 de agosto pola mañá da man do Teatro Calavera. Un conto para os nenos, no que arredor de 80 cativos de Divertrives gozaron coas aventuras do Cociñeiro Antón e a Pasteleira Tomasa.
O público asistente puido cociñar, cos personaxes do conto, unha deliciosa espetada de froitas recuberta de chocolate, nun obradoiro que fixeron ao final da obra. Todos os que se atopaban no recinto degustaron esta comida deliciosa e saudable.