Na tarde noite do 4 de xullo abriu as súas portas «O 4», un referente da hostalería ruesa que pechou hai uns meses e que neste día volveu da man dunha nova xerencia.
Francisco Fernández, o novo xerente de O 4, é un coñecido do sector hostaleiro da comarca — foi comercial durante moito tempo de Distribuciones Roca e tivo unha cervexaría preto deste novo local—. Colle as rendas deste emblemático bar con ganas e ilusión para dar o mellor de si mesmo e o seu bo facer a todos os que o visiten. Aberto desde as 8:00 horas, ata altas horas da madrugada como el dixo «hasta que nos deixen», en O 4 poderase tomar xeados artesáns, cafés, refrescos, viños e sobre todo cervexa. Este renovado establecemento dispón agora de cociña de onde saen as torradas dos almorzos e máis adiante, cara o outono, tapas e pinchos.
A decoración de estilo vintage-industrial con cores pastel crean un ambiente acolledor, cálido e confortable. A madeira e o ferro están presentes en todo o local así como a decoración con barrís de cervexa. Combina distintos tipos de mobiliario, distintos tipos de cadeiras para a zona de cafetería, taburetes para a barra e sillóns para outros lugares. Diferentes tipos de lámpadas e unha gran rosa dos ventos no teito premen ó local un carácter especial retrotraéndote a outros lugares e outros tempos.
Na inauguración xuntouse unha morea de xente, amigos de Paco, os habituais do antigo Catro Camiños, e xente de toda a comarca que tiñan curiosidade por ver novo negocio, e porque non, para botar un grolo a conta dos novos propietarios.
Despois da inauguración estivemos a falar con Francisco Domínguez y esto foi o que nos contou: